Pawiwahan 23 :
Aturé Pambiwara ing Panutuping Pawiwahan :
Sampun paripurna pahargyan prasaja ing ari/ratri punika, alantaran kula ingkang piniji minangka pangêndhaliwara.
Wontên ngarsa panjênênganipun Bapa/Ibu ....( ingkang mêngku gati ), ngaturakên agunging panuwun saha hambok bilih anggènipun hangacarani mênggah rawuhipun handika sami wontên kuciwaning bojakrami, wontên anuh ingkang kirang wanuh, lungguh ingkang kirang mungguh, miwah suguh ingkang kirang lawuh, mawantu-wantu ingkang hamêngku gati nyuwun lumunturing sih samodra pangaksama.
Datan kantun kawula minangka jêjêring pangêndhaliwara, bok bilih wontên gonyak-ganyukipun wicara, cawuh kliruning basa, kisruhing paramasastra, kirang trêp ing ngèlmi sastra, miwah kiranging suba-sita ingkang singlar ing rèh tata krami, ugi mawantu-wantu anyênyadhong sih lumunturing gung samodra pangaksama.
Matur nuwun, kawula ndhèrèkakên sugêng kundur mugi rahayua ingkang samya pinanggih.
Nuwun...nuwun...matur nuwun.
Wassalamu'alaikum Wr. Wb.
--- wjg ---
-----> ana candhaké :
BAB : TULADHA PANYANDRA
PANGANTÈN PUTRI
KALÊNGGAHAKEN ING SASANA
RINÊNGGA IX. 24. B. 1
0 comments:
Post a Comment