Tuladha Wicara Kawêdhar Pahargyan Pawiwahan 20 :
Aturé Pambiwara Badhé Waosan Donga Panutup :
Sanggya para rawuh ingkang minulyèng budi, ngancik adicara salajêngipun nun inggih waosan donga déning têtuwanggana ingkang piniji.
Atur donga konjuk dhumatêng Gusti Ingkang Murbèng Dumadi, mugi panjênênganipun Bapa/Ibu .... ( ingkang mêngku gati ) anggènipun hanêtêpi darmaning asêpuh hamiwaha putra mahargya siwi, tansah winantu ing suka basuki.
Sêmantên ugi putra pangantèn sarimbit anggènipun badhé lêlumban wontên madyaning bêbrayan agung, tansah ayêm-têntrêm, bagya-mulya ingkang sinêdya, rahayu ingkang tinêmu.
Datang kawuri mugi para tamu sinêdhahan tansah manggiha rahayu. Aamiin.
Wondéné ingkang piniji kêparêng badhé ngaturakên donga panjênênganipun Bapa .... ( ingkang piniji ).
Ingkang punika, sasana saha swasana kawula sumanggakakên.
Sumangga, nuwun.
--- wjg ---
----> ana candhaké :
BAB : TULADHA ATURIPUN
PANATACARA SASAMPUNIPUN
WAOSAN DONGA IX. 21. A. 20.
0 comments:
Post a Comment