IX. No. 13. A. 12. TULADHA WICARA KAWÊDHAR PAHARGYAN PAWIWAHAN ( BAB : ATURIPUN PAMBIWARA NGANCIK ADICARA PAMBAGYAHARJA )

 Tuladha Wicara Kawêdhar Pahargyan     Pawiwahan 13 :

Aturé Pambiwara ngancik Pambagyaharja :

        Satuhu èdi, éndah babaring budaya ingkang winahya ing salébéting Bêksan ....( kasêbat anut bêksanipun ).

        Sanggya para rawuh, panjênênganipun Bapa/Ibu .... ( ingkang mêngku gati ) badhé marak ngabyantara, sapêrlu ngaturakên pambagyaharja, miwah wudharing gantha, lêkas-wêkasing sêdya, wigatosing gati.

      Inggih Kabêkta saking raos bombong, miwah mongkoging manah, karana karoban ing sih sadaya ingkang sampun kêparêng hanjênêngi, saéngga botên kuwawi matur piyambak, ajrih mênawi botèn sagèd kawios ing lathi, namung kandhêg wontên ing jangga, mila lajêng hanyaraya dhumatêng panjênênganipun Bapa ....( ingkang piniji ).

        Mênggah jumênêngipun badhé jinajaran dèning Bapa ...., saha Bapa .....

( ingkang piniji ).

Déné pangantèn sarimbit, kaaturan jumênêng wontên sangajênging dhampar rinêngga, kaapit ingkang hamêngku gati.

          Ing salajêngipun dhumatêng para ingkang piniji, sasana saha swasana kawula sumanggakakên.

Sumangga,  nuwun.

                         --- wjg ---

----> ana candhaké : 

       BAB : TULADHA ATURIPUN

       PANATACARA SASAMPUNIPUN ATUR

       PAMBGYAHARJA  IX. 14. A. 13.