Pawiwahan 11 :
Atruré Pambiwara Badhé Upacara Sungkêman :
Para rawuh kakung sumawana putri, kadang bésan inggih panjênênganipun Bapa/Ibu ... ( bésan ) sampun lênggah wontên sasana ingkang sampun kasumadya.
Kêparênging sêdya badhé hanampi sungkêmipun kêng putra pangantèn sarimbit.
Wondéné murih botèn tumpang suh hanggènnya ngaras pada, lumampahing adicara Sungkêman badhé kapratitisakên panjênênganipun Ibu ....( juru rias ).
Déné ingkang piniji nglolos dhuwung putra pangantèn kakung panjênênganipun Bapa .... ( ingkang piniji ).
Dhumatêng sagung ingkang piniji rahayuning sêdya kasumanggakakên.
Tumapaking adicara sungkêman binarung ungêling Ldr. Mugi Rahayu Sl Manyura.
( Mênawi botèn mawi gangsa, sagêd mawi rêrêpèn sêkar Pangkur Pl 6 déning Panatacara ).
~~ TULADHA RÊRÊPÈN SÊKAR
PANGKUR PÉLOG 6 ~~
--- 3 5 5 5 3 3 3
Gya han jêng ku, nga ras pa
Pi wê ling ku, ma rang si
3
da.
ra.
--- 3 5 5 6 1 1 1
Ma rang Ra ma, lan I bu
Ha ywa la li, sêm bah bêk
1 1 123 21
ha nga bêk ti.
ti mring Gus ti.
--- 5 6 ¹ ¹ ¹ ¹ ¹²
Wa da na ni ra, tu mung
Mê min ta, pi tu duh lu
¹²
kul.
hur.
--- 6 5 5 5 5 56 45
I nga ras an, rik ma nya
Am ba ngun, ba lé wis ma
--- 3 5 5 6 1 1 1
Mi jil was pa, tan ka wa
Mu gi tan sah, a yêm tên
1 1 2 3 3
wa jro ning kal bu.
trêm a tut run tut.
--- 6 1 1 1 1 1 23
Gê ga ran ing, pa la kra
Ba gya mul ya, kang si nê
2.1
ma.
dya.
--- 1 2 3 1 2 3 653
Três na a sih, trus ing ba
Ra ha yu ing, kang pi nang
2.1
tin.
gih.
Katrangan :
Titi-laras ingkang kasêrat mawi angka alit ( ¹ ), nêdahakên Titi-laras 1 ( inggil ).
---꧁꧂ ---
--- wjg ---
----> ana candhaké :
BAB : TULADHA ATURIPUN
PANATACARA MÊNAWI WONTÊN
LÊLIPUR BÊKSAN IX. 12. A. 11.
0 comments:
Post a Comment