XIV. No. 1 BAWA GAWAN GÊNDHING JAWA ( BAB : BAWA SÊKAR MACAPAT )

Bawa Gawan Gêndhing Jawa 1 : 

Bab : Bawa Sêkar Macapat :

1.1.   Dhandhanggula Padhasih dhawah

         Gd. Gambirsawit Sêmbunggilang

         Sl. 9 :

1.2.   Dhandhanggula Turularé, dhawah

          Ldr. Sarayuda Pl. 6 :

1.3.   Kinanthi céngkok Mintajiwa, 

         dhawah Kdr. Sriyatna Sl. Mnyr :

1.4.  Kinanthi céngkok Sêkargadhung, 

        dhawah Ktw. Lêbdasari Sl. Mnyr :

                          --- wjg ---

----> Ana candhaké BAB : BAWA GAWAN

       SÊKAR TÊNGAHAN XIV.2.

Wacan Saterusé

XV. No. 3. TULADHA WICARA KAWÊDHAR ADICARA PANGRUKTILAYA ( BAB : ATUR PANGLIPUR TÊTUWANGGANA )

Atur Panglipur Têtuwanggana 3 :

    Assalamu'alaikum w.w.

    Nuwun kula nuwun, sanggya para rawuh utaminipun para tuwanggana, para  sêsêpuh, para pinisêpuh ingkang sangêt pinundhi dalah kinabêktèn.

    Kêparênga kawula cumanthaka marak sowan wontên ngarsa handika para pambéla duhkita, awit awrat ngèstokakên jêjibahan luhur saking raos-pangraos, sapêrlu atur béla sungkawa wontên madyaning duhkita/wiyoga ing ri kalênggahan punika, kanthi puput yuswa panjênênganipun Bapa/Ibu/Éyang.....( ingkang séda ) dhumatêng kulawarga panandhang duhkita utaminipun panjênênganipun Bapa....( ingkang kêsripahan ) minangka têtungguling kulawarga, yêktos kula sarta warga rumaos kécalan satunggaling pêpundhèn ingkang sangêt dipun-trêsani.

     Langkung-langkung mênawi ngémuti sêpintên ta lêlabêtanipun suwargi rikala sugêngipun, anggèn tansah hanuntun, hamomog, sarta hanggulawênthah ingkang lèrèkipun ngupaya murih sagung warga matrapakên dhatêng kêsaénan, karukunan, saha katêntrêman ing bêbrayan agung.

     Pramila awit saking puput yuswa panjênênganipun Bapa/Ibu/Eyang....

( ingkang séda ), warga agêng wêwêngkon....( RT/RW/Dhusun/Désa/Kalu

rahan ) ndhérék béla sungkawa ingkang salêbêt-lêbêtipun, bêbasan ngantos kandhas mandhêsing raos matrênyuh.

      Awit saking punika, dhumatêng panjênênganipun Bapa/Ibu/Éyang....

( ingkang kêsripahan ) dalah sagung kulawarga ingkang katêmbèn kapanduking duhkita, kawula mangêrtos sarta angraos kados pundi gêmpiling panggalih awit labêt kapêdhotan katrêsnan, tinilar ingkang ....( Rama/Ibu/Éyang-sêsêbutan ingkang séda ) ingkang marak sowan  wontên ngayunanipun Gusti Ingkang Murbèng Dumadi.

       Mangka kacihna panjênêngan taksih kepéngin cinakêtan sarta tinêngganan, pramila botèn kêndhat anggenipun ambudidaya ngupadi usada murih ....

( Rama/Ibu/Éyang/ingkang séda ) nirmala waluya têmah jati, jati têmahan waluya.

Nanging sadaya wiradat kala wau, botèn sagèd angungkuli garising kodrat, atêgês gagar wigar datanpa karya.

Bokbilih kawontênan punika mapan sampun dados garising pêsthi, kawêngku dening jidharing pêpêsthèn, jêr pêpêsthèn punika awit saking karsaning Gusti Ingkang Murbèng Gêsang.

     Kridhaning pambudi daya, tan kuwawi amambêngi kuthaning pêsthi, budi dayaning manungsa tan bisa ngungkuli garising Kang Maha Kwasa. Sênadyan kados pundi pambudi dayanipun titah, mênawi sampun kinarsakakên ing Gusti, titah namung sagêd pasrah sumarah, titah yêkti namung sadêrmi bêkti, sarta nglampahi.

      Pramila kanthi pêpêsthèn punika, sumangga kêparênga kula aturi angiklasakên, alusipun suwargi ingkang sampun marak sowan wontên ngayunaning Gusti, kanthi puji-donga mugi-mugi alusipun tinampi wontên ngayunanipun Gusti Ingkang Murbèng Dumadi, dipun-tampi sadaya amal ibadahipun, dipun-apuntên sêdaya kalêpatanipun, linêburna sêdaya dosanipun, dipun-paringana papan ingkang jumbuh kaliyan lêlabêtanipun dhumatêng bangsa, nêgara, agama punapa déné bêbrayan agung, sarta kaparingan katêntrêman wontên ing Alam Qubur.

      Sêmantên ugi kulawarga ingka tinilar, dipun paringana kasantosaning manah, séngga sagêd nêtêpi punapa ingkang dados kêkudanganipun tiyang asêpuh, inggih punika mênawi sêdaya putra tansah nindakakên patrap sholèh sarta sholékhah.

      Bab punika cundhuk kaliyan ngêndikanipun Rasulullah SAW nun inggih ; " Idzaa maa tabnu aadamu inqata'a amaluhu, illaa min tsallaatsin ".

Ingkang wêrdinipun nun inggih ; " Tiyang gêsang punika mênawi sampun puput yuswa, amalipun mandhêg, ingkang dipun-bêkta namung tigang pêrkawis " 

( anut H. R. Muslim 1631 inggih punika ) :

1. Shadaqatin jaariyati = amal jariyah.

2.  Au'ilmin yuntafa'u bihi = ilmu ingkang migunani tumrap tiyang sanès.

Kêkalihipun punika sampun rinêgêm dèning suwargi dhuk rikala sugêngipun.  Déné ingkang kaping :

3. Aauwalafin shaalihin yad'uu lahu " = putra ingkang sholèh, inggih punika putra ingkang tansah mujèkakên dhumatêng tiyang sêpuhipun.

     Mênawi para putra tansah nyuwunakên pangapuntên sêdaya dosa sarta  kalêpatanipun tiyang sêpuh ing ngarsa Dalêm Gusti Ingkang Maha Agung, atêgês putra punika sagêd  " nyuwargakakên " dhatêng  tiyang sêpuhipun.

Putra ingkang makatên punika, sagêd kawastanan, " putra ingkang sagêd mikul dhuwur, mêndhêm jêro " dhumatêng tiyang sêpuhipun.

    Sanggya para rawuh utaminipun  panjênênganipun Bapa....( ingkang sripah ) sumrambah sagung pambéla sungkawa ingkang pantês sinudarsana, hambok bilih namung sêmantên ingkang sagêd kawula aturakên dhumatêng kulawarga panandhang dhukita, mugi-mugi sagêd dados panglipuring panggalih, sarta pangènthèng-ènthèng batos ingkang katêmbèn rumaos pêpêt lêlimêngan sinêngkêr dèning swasana tinilar suwargi.

   Minangka panutuping atur, mênawi wontên kêladuk ing wicara, kawula  mawantu-wantu tansah anyênyadhong sih rumêntahing samodra gung pangaksama.

  Nuwun...nuwun...matur nuwun.

  Wassalamu'alaikum w.w.

                      --- wjg ---

---> Ana candhaké BAB : ATUR SAPALA

      ADICARA LAMARAN XVI.1 

      

Wacan Saterusé

XV. No. 2. TULADHA WICARA KAWÊDHAR ADICARA PANGRUKTILAYA ( BAB : ATUR PAMBAGYA KULAWARGA PANANDHANG DUHKITA )

Pambagya Kulawarga Panandhang Duhkita 2 :

      Assalamu'alaikum w.w.

       Innalillahi wa innailaihi roji'un

     Sangya para rawuh utaminipun para paranpara, para nimpuna, para manggalaning praja, para sêsêpuhi, para pinisêpuh, para pêpundhèn ingkang tansah kinabêktèn, punapa déné para kadang wrêdha ingkang tansah sinubya-subya dalasan para kadang taruna ingkang sangêt kinasih dahat sinudarsana.

     Kêpararênga kawula cumanthaka marak mangarsa handika para rawuh, awit awrating raos sarta kuwatos badhé ngunandika priyangga botèn kawijil ing lisan namung kandhêg wontên ing jangga, mila panjênênganipun Bapa....( kulawarga panandhang ) minangka panandhang duhkita, amiji dhatêng jasad kawula minangka talanging basa, kinèn matur wontên ngarsa handika para rawuh, gêgayutan sampun puput yuswa panjênênganipun Bapa/Ibu....( ingkang séda ) alantaran nandhang gêrah sawêtawis wêkdal.

     Sanggya para rawuh ingkang minulyèng budi,  langkung rumiyin sumangga kita ngunjukaken raos syukur wontên ngarsa Dalêm Gusti Ingkang Murbèng Dumadi,  ingkang sampun kêparêng paring sih kawêlasan dhumatêng kita sagung para rawuh.

     Salajêngipun kula hangaturakên agunging panuwun ingkang tanpa upami Dhumatêng sagung para rawuh ingkang sampun kêrsa paring pambiyantu utaminipun awujud raos sungkawa, iguh pertikel, sarta kridhaning pakaryan, saéngga sagêd angènthèng-ènthèngi raos sêkêl kula sakulawarga.

Mugi-mugi paringipun sumbang-surung kasêbat kala wau, pikantuka piwalês kaliyan Gusti Ingkang Maha Agung.

Aamiin.

     Sanggya para rawuh ingkang dahat kinabêktèn, awit saking kapundhutipun ing kasédan jati panjênênganipun suwargi Bapa/Ibu....( ingkang séda ), hambokbilih rikala sugêngipun anggènipun sêsrayan wonten jagating sêsrawungan kagungan patrap ingkang singlar ing rèh tata-krami, ingkang aujud wicara, tumindak saéngga adamêl kirang rêna ing panggalih para rawuh, kêparênga handika sami paring pangaksama dhumatêng suwargi ingkang sampun nilarakên kulawarga dalah panjênêngan sêdaya.

     Botèn kêsupèn hambokbilih ugi, rikala sugêngipun suwargi  kagungan sambutan awujud napa kémawon, kawula suwun kanthi sangêt kêparênga kanthi dhanganing panggalih kaaturan sêsambêtan kaliyan kulawarga ingkang katilar.

Déné kulawarga ingkang tinilar badhé nampi kanthi bingahing manah.

   Pungkasaning atur, kawula nyuwun donga pamuji mugi suwargi katampia sagung ibadahipun, kaparingan pangapuntên sêdaya kalêpatanipun, linêburna sêdaya dosanipun, sarta kaparingana katêntrêman wontên ing Alam Qubur.

Aamiin.

     Makatên sanggya para rawuh atur kawula minangka talanging  wicara saking krêntêging manah kulawarga panandhang duhkita.

Bokbilih atur kawula saking purwa, madya, wasana, kirang trapsila ingkang adamêl kêmba panggalih handika sami, kawula tansah mawantu-wantu anyênyadhong sih rumêntahing gung samodra pangaksami.

    Wasana sugêng lênggah ngantos dumugi paripurnaning adicara, tan kantun kunduripun mangkin kawula namung ngaturakên sugêng kundur, mugi tansah rahayu ingkang samya pinanggih.

Nuwun...nuwun...matur nuwun.

     Wassalamu'alikum w.w.

                   --- wjg ---

---> Ana candhaké BAB : ATUR

      PANGLIPUR TÊTUWANGGANA XV.3

      

   

      

      

Wacan Saterusé

VI. No. 2. JARWAN TÊMBUNG KAWI ( BAB : SÊBUTANÉ ANGKA NGANGGO TÊMBUNG KAWI, DINA, PASARAN, WARNA, RASA, KÉBLAT )

  Jarwan Têmbung Kawi 2 :

       1. Sêbutané Angka :

 Ékanan :

0. ---> suwung ---> sunya

1. ---> siji ---> éka

2. ---> loro ---> dwi

3. ---> têlu ---> tri

4. ---> papat ---> catur

5. ---> lima ---> panca

6. ---> ênêm ---> sad

7. ---> pitu ---> sapta

8. ---> wolu ---> astha

9. ---> sanga ---> nawa

Katrangan :

--- dwi    = daya = dwa

--- tri      = trayo ki

--- catur = catri

                     ---- w ----

 Puluhan = Satisara :

10. ---> sêpuluh ---> dasa

11. ---> sêwêlas ---> éka dasa

12. ---> rolas ---> dwi dasa

13. ---> têlulas ---> tri dasa

14. ---> patbêlas ---> catur dasa

15. ---> limolas ---> panca dasa

16. ---> nêmbêlas ---> sad dasa

17. ---> pitulas ---> sapta dasa

18. ---> wolulas ---> astha dasa

19. ---> songolas ---> nawa dasa

Katrangan :

--- dwi   = dwa ---> dwa dasa

--- tri     = trayo ---> trayo dasa

                 ---- w ----

20. ---> rongpuluh ---> wisati

21. ---> sêlikur ---> éka wisati

22. ---> rolikur ---> dwi wisati

23. ---> têlulikur ---> tri wisati

24. ---> patlikur ---> catur wisati

25. ---> sêlawé ---> panca wisati

26. ---> nêmlikur ---> sad wisati

27. ---> pitulikur ---> sapta wisati

28. ---> wolulikur ---> astha wisati

29. ---> sangalikur ---> nawa wisati

Katrangan :

--- wisati ---> wimsati ---> wingsati

                 ---- w ----

30. ---> têlung puluh ---> trinisad

31. ---> têlung puluh siji ---> éka trinisad

32. ---> têlung puluh loro ---> dwi trinisad

33. ---> têlung puluh têlu ---> tri trinisad

34. ---> têlung puluh papat ---> 

              catur trinisad

35. ---> têlung puluh lima ---> 

              panca trinisad

36. ---> têlung puluh nêm ---> sad trinisad

37. ---> têlung puluh pitu ---> 

              sapta trinisad

38. ---> têlung puluh wolu ---> 

              hastha trinisad

39. ---> têlung puluh sanga ---> 

              nawa trinisad

Katrangan :

--- trinisad ---> trinisat

                     ---- w ----

40. ---> patang puluh ---> cadwaringsad

41. ---> patang puluh siji ---> 

              éka cadwadringsad

42. ---> patang puluh loro

              --->dwi cadwaringsad

43. ---> patang puluh têlu ---> 

              tri cadwaringsad

44. ---> patang puluh papat ---> 

              catur cadwaringsad

45. ---> patang puluh lima ---> panca 

              cadwaringsad

....... lst.

Katrangan :

--- catwaringsad ---> catwaringsat ---> 

     catwaringsati

                      ---- w ----

50. ---> sèkêt ---> pancasad

51. ---> sèkêt siji ---> éka pancasad

52. ---> sèkêt loro ---> dwi pancasad

53. ---> sèkêt têlu ---> tri pancasad

54. ---> sèkêt papat ---> catur pancasad

55. ---> sèkêt lima ---> panca pancasad

..... lst

                       ---- w ----

60. ---> sêwidak ---> sadti

61. ---> sêwidak siji ---> éka sadti

62. ---> sêwidak loro ---> dwi sadti

63. ---> sêwidak têlu ---> tri sadti

64. ---> sêwidak papat ---> catur sadti

65. ---> sêwidak lima ---> panca sadti

.... lst

Katrangan :

--- sadti ---> sasti

--- ékasadti ---> ékasasti

               ---- w ----

70. ---> pitung puluh ---> saptati

71. ---> pitung puluh siji ---> éka saptati

72. ---> pitung puluh loro ---> 

              dwi saptati

73. ---> pitung puluh têlu ---> tri saptati

74. ---> pitung puluh papat ---> 

              catur saptati

75. ---> pitung puluh lima ---> 

              panca saptati

--- lst.

Katrangan :

--- saptati ---> sapti

--- ékasaptati ---> ékasapti

                    ---- w ----

80. ---> wolung puluh ---> asiti

81. ---> wolung puluh siji ---> éka asiti

82. ---> wolung puluh loro ---> dwi asiti

83. ---> wolung puluh têlu ---> tri asiti

84. ---> wolung puluh papat ---> catur 

              asiti

85. ---> wolung pulub lima ---> panca asiti

---lst.

                  ---- w ----

90. ---> sangang puluh ---> nawati

91. ---> sangang puluh siji ---> éka nawati

92. ---> sangang puluh loro ---> dwi 

              nawati

93. ---> sangang puluh têlu ---> tri nawati

94. ---> sangang puluh papat ---> 

               catur nawati

95. ---> sangang puluh lima ---> panca   

              nawati

--- lst.

                    ---- w ----

Atusan = Satasara :

100. ---> satus --->  sata

101. ---> satus siji ---> éka sata

110. ---> satus sêpuluh ---> dasa sata

125. ---> panca wisati sata

156. ---> sad pancasad sata

199. ---> satus sangang puluh sanga ---> 

                 nawa nawati sata

--- lst

                       ---- w ----

200. ---> rong atus ---> dwisata

201. ---> rong atus siji ---> éka dwisata

210. ---> rong atus sêpuluh ---> dasa 

                dwisata

219. ---> rong atus songolas ---> 

                 nawa wisati dwisata

250. ---> rong atus seket ---> panca sad 

                dwisata

298. ---> rong atus sangang puluh wolu

                 ---> hastha nawati dwisata

--- lst.

                 --- w ---

300. ---> têlung atus ---> trisata

308. ---> têlung atus wolu ---> hastha 

                trisata

315. ---> têlung atus limolas ---> panca 

                dasa trisata

370. ---> têlung atus pitungpuluh saptati 

                trisata

389. ---> têlung atus wolungpuluh sanga

         ---> nawa asiti trisata

---- lst

                       ---- w ---

400. ---> patang atus ---> catursata

409. ---> patang atus sanga ---> nawa 

                catursata

418. ---> patang atus wolulas --->   

                hastha dasa catursata

429. ---> patang atus sangalikur

         ---> nawa wisati catursata

460. ---> patang atus sewidak ---> sadti 

                catursata

499. ---> patang atus sangang puluh 

                sanga ---> nawa nawati 

                catur sata

--- lst.

                          ---- w ----

500. ---> limang atus ---> pancasata

511. ---> limang atus sêwêlas

         ---> éka dasa panca sata

520. ---> limang atus rongpuluh

         ---> wisati pancasata

548. ---> limang atus patang puluh wolu

         ---> hastha cadwaringsad panca sata

589. ---> limang atus wolung puluh sanga 

         ---> nawa asiti panca sata

---- lst.

                       ---- w ----

600. ---> ênêm atus ---> sadsata

608. ---> ênêm atus wolu ---> hastha 

                 sad sata

627. --- > ênêm atus pitulikur

         ---> sapta wisati sad sata

666. ---> ênêm atus sêwidak ênêm

         ---> sad sasti sad sata

679. ---> ênêm atus pitung puluh sanga

         ---> nawa sasti sad sata

--- lst.

                      ---- w ----

700. ---> pitung atus ---> sapta sata

707. ---> pitung atus pitu ---> sapta 

                sapta sata

777. ---> pitung atus pitungpuluh pitu

         ---> sapta saptati sapta sara

788. ---> pitung atus wolung puluh wolu

         ---> hastha asiti sapta sata

--- lst.

                       ---- w ----

800. ---> wolung atus ---> hastha sata

822. ---> wolung atus rolikur

         ---> dwi wisati hastha sata

866. ---> wolung atus sêwidak ênêm ---> 

                 sadsad sasti hastha sata

899. --- > wolung atus sangang puluh 

                  sanga ---> nawa nawati 

                  hastha sata

--- lst.

                          ---- w ----

900. ---> sangang atus ---> nawasata

914. ---> sangang atus patbêlas

         ---> catur dasa nawa sata

985. ---> sangang atus wolung puluh lima

         ---> panca asiti nawa sata

993. ---> tri nawati nawa sata

--- lst.

                          ---- w ----

 Ewon = hasrasara :

1.000. ---> sèwu ---> sahasra 

                   ( sahasrani )

1.005. ---> sèwu lima ---> panca saharsa

1.093. ---> sèwu sangang puluh telu 

            ---> tri nawati saharsa

1.740. ---> catwaringsad saptasata 

                    saharsa

1.999. ---> sèwu sangang atus 

                    sangang puluh sanga

            ---> nawa nawati nawa sata 

                    saharsa

--- lst.

Katrangan :

Saharsa = harsa = sahasrani = hasrani

                        ---- w ----

2.000. ---> rong èwu ---> dwi saharsa

2.005. ---> rong èwu lima ---> panca 

                    saharsa

2.013. ---> rong èwu têlulas ---> tri dasa 

                    dwi saharsa

2.122. ---> rong èwu satus rolikur 

            ---> dwi wisati éka sata dwi 

                    saharsa

2.999. ---> rong èwu sangang atus 

                    sangang puluh sanga ---> 

                     nawa nawati nawa sata 

                     dwi saharsa

--- lst.

                         ---- w ----

3.000. ---> têlung èwu ---> tri saharsa

3.001. ---> têlung èwu siji ---> éka 

                    tri saharsa

3.042. ---> têlung èwu patang puluh loro 

            ---> dwi cadwaringsad tri saharsa

3.888. ---> têlung èwu wolung atus 

                   wolung puluh wolu 

            ---> hastha asiti hastha sata tri 

                   saharsa

--- lst.

                         ---- w ----

4.000. ---> patang èwu 

            ---> catur saharsa

4.005. ---> patang èwu lima 

            ---> panca 

                    catur saharsa

4.029. ---> patang èwu sangalikur 

             ---> nawa wisati catur saharsa

4.333. ---> patang èwu têlung atus têlu

            ---> tri trisisad tri sata catur 

                    saharsa

--- lst.

                       ---- w ----

5.000. ---> limang èwu 

           .---> panca saharsa

5.006. ---> limang èwu ênêm 

            ---> éka panca saharsa

5.011. ---> limang èwu sêwêlas

            ---> éka dasa panca saharsa

5.l23. ---> limang èwu satus têlulikur

           ---> tri wisati éka sata panca 

                   saharsa

--- lst.

                         ---- w ----

6.000. ---> ênêm èwu 

            ---> sadsaharsa

6.006. ---> ênêm èwu ênêm

            ---> sad sadsaharsa

6.010. ---> ênêm èwu sêpuluh

            ---> dasa cadwaringsad

6.543. ---> ênêm èwu limang atus

                    patang puluh têlu 

            ---> tri cadwaringsad panca sata 

                    sadsaharsa

                        ---- w ----

7.000. ---> pitung èwu.

         ...---> sapta saharsa 

                  ( sapta sahasrani )

7.002. ---> pitung èwu loro ---> dwi sapta 

                    sahasrani

7.011. ---> pitung èwu sawelas

            ---> éka dasa sapta sahasrani

7.932. ---> pitung èwu sangang atus 

                   têlung puluh loro 

            ---> dwi trinisad nawa sata sapta 

                    sahasrani.

--- lst.

                       ---- w ----

8.000. ---> wolung èwu ---> astha 

                    sahasrani

8.009. ---> wolung èwu sanga ---> nawa 

                    astha sahasrani

8.031. ---> wolung èwu têlung puluh siji

             ---> éka trinisad hastha sahasrani

8.123. ---> wolung èwu satus têlulikur

            ---> tri wisati sata astha sahasrani

--- lst.

                            ---- w ----

9.000. ---> sangang èwu 

            ---> nawa sahasrani

9.009. ---> sangang èwu sanga

            ---> nawa nawa dahasrani

9.032. ---> sangang èwu têlu likur

            ---> tri wisati nawa sahasrani

9.123. ---> sangang èwu satus têlulikur

            ---> tri wisati éka sata nawa 

                    sahasrani.

--- lst.

                        ---- w ----

10.000. ---> sepuluh èwu ---> dasa harsa, 

                      lêksa

20.000. ---> rong puluh èwu ---> wisati 

                      harsa

30.000. ---> telung puluh èwu ---> trinisat 

                      harsa

40.000. ---> patang puluh èwu ---> 

                      cadwaringsad harsa

50.000. ---> sèkêt èwu ---> pancasad 

                      sahasrani

60.000. ---> sêwidak èwu ---> sasti 

                      sahasrani

70.000. ---> pitung puluh èwu

              ---> saptati sahasrani

80.000. ---> wolung puluh èwu ---> asiti 

                      sahasrani

90.000. ---> sangang puluh èwu 

               ---> nawati sahasrani

--- lst.

                         ---- w ----

100.000. ---> satus èwu ---> sata 

                        sahasrani, kethi

200.000. ---> rong atus èwu ---> dwi sata 

                         sahasrani

300.000. ---> telung atus èwu ---> tri sata 

                         sahasrani

400.000. ---> patang atus èwu ---> catur 

                        sata sahasrani

500.000. ---> limang atus èwu ---> panca 

                        sata sahasrani

600.000. ---> enem atus èwu 

                 ---> sad sata sahasrani

700.000. ---> pitung atus èwu ---> sapta 

                        sata sahasrani

800.000. ---> wolung atus èwu

                 ---> hastha sata sahasrani

900.000. ---> sangang atus èwu 

                 ---> nawa sata sahasrani

--- lst.

                          ---- w ----

1.000.000. ---> sayuta 

                    ---> niyuta

2.000.000. ---> rong yuta 

                    ---> dwi niyuta

3.000.000. ---> têlung yuta 

                    ---> tri niyuta

4.000.000. ---> patang yuta

                    ---> catur niyuta

5.000.000. ---> limang yuta 

                    ---> panca niyuta

6.000.000. ---> ênêm yuta 

                    ---> sad niyuta

7.000.000. ---> pitung yuta 

                    ---> sapta niyuta

8.000.000. ---> wolung yuta

                    ---> hastha niyuta

9.000.000. ---> sangang yuta

                   --->  nawa niyuta

--- lst.

                      ---- w ----

10.000.000. ---> sêpuluh yuta

                       ---> kroré/wéndra

20.000.000. ---> rong puluh yuta

                      ---> wisati kroré

30.000.000. ---> telung puluh yuta

                      ---> trinisad kroré

40.000.000. ---> patang puluh yuta

                      ---> cadwaringsad kroré

50.000.000. ---> sèkêt yuta 

                       ---> pancasad kroré

60.000.000. ---> sêwidak yuta

                       ---> sadti kroré

70.000.000. ---> pitung puluh yuta 

                      ---> saptati kroré

80.000.000. ---> wolung puluh yuta

                      ---> asiti kroré

90.000.000. ---> sangang puluh yuta 

                      ---> nawati kroré

                    ---- w ----

100.000.000. ---> satus yuta

                         ---> arbuda/gulma

200.000.000. ---> rongatus yuta 

                         ---> dwi sata arbuda

300.000.000. ---> têlung atus yuta

                         ---> tri sata arbuda

400.000.000. ---> patang atus yuta

                        ---> catur sata arbuda

500.000.000. ---> limang atus yuta 

                        ---> panca sata arbuda

600.000.000. ---> ênêm atus yuta

                         ---> sad sata arbuda

700.000.000. ---> pitung atus yuta 

                         ---> sapta sata arbuda

800.000.000. ---> wolung atus yuta

                         ---> hastha sata arbuda

900.000.000. ---> sangang atus yuta

                         ---> nawa sata arbuda

                         ---- w ----

1.000.000.000. ---> sèwu yuta 

                            ---> padma

2.000.000.000. ---> rong èwu yuta

                            ---> dwi harsa padma

3.000.000.000. ---> têlung èwu yuta 

                            ---> tri saharsa padma

4.000.000.000. ---> patang èwu yuta 

                            ---> catur saharsa padma

5.000.000.000. ---> limang èwu yuta

                            ---> panca saharsa padma

6.000.000.000. ---> ênêm èwu yuta

                            ---> sad saharsa padma

7.000.000.000. ---> pitung èwu yuta 

                            ---> sapta saharsa padma

8.000.000.000. ---> wolung èwu yuta

                            ---> hastha saharsa   

                                   padma

9.000.000.000. ---> sangang èwu yuta

                            ---> nawa saharsa padma

Katrangan :

--- Saharsa = sahasrani

                     ---- w ----

10.000.000.000. ---> sepuluh èwu yuta

                              ---> kharwa

20.000.000.000. ---> wisati hasra kharwa

30.000.000.000. ---> trinisad sahasrani 

                                      kharwa

40.000.000.000. ---> cadwaringsad 

                                      sahasrani kharwa

50.000.000.000. ---> pancasad sahasrani 

                                      kharwa

60.000.000.000. ---> sasti sahasrani 

                                      kharwa

70.000.000.000. ---> sapti sahasrani 

                                      kharwa

80.000.000.000. ---> asiti sahasrani 

                                      kharwa

90.000.000.000. ---> nawati sahasrani 

                                      kharwa

Katrangan :

--- Sadti = sasti

                   ---- w ----

100.000.000.000. ---> satus èwu yuta

                                ---> akshita, wurda

200.000.000.000. ---> dwi sata sahasrani 

                                        akshita

300.000.000.000. ---> tri sata sahasrani 

                                        akshita

400.000.000.000. ---> catur sata 

                                        sahasrani akshita

500.000.000.000. ---> panca sata 

                                        sahasrani akshita

--- lst.

                         ---- w ----

1.000.000.000.000. ---> sayuta yuta

                                    ---> kirna

10.000.000.000.000. ---> shan.ku

100.000.000.000.000 ---> jaladi

1.000.000.000.000.000. ---> antya

10.000.000.000.000.000. ---> madhya

100.000.000.000.000.000. ---> paraardha

                  ---- wjg ---

      2.    Sêbutané Dina :

--- Ahad          =   Dité, Radité

--- Sênèn        =  Soma

--- Sêlasa       =  Anggara

--- Rêbo          =  Buda

--- Kemis        =  Rêspati, Wrêspati

--- Jêmuwah  =  Sukra

--- Sêtu           =  Tumpak

      3. Sêbutané Pasaran :

--- Lêgi        =  Manis

--- Pahing   =  Jênar, Abritan

--- Pon        =  Palguna, Kuningan

--- Wagé     =  Cêmêngan

--- Kliwon   =  Kasih

     4. Sêbutané Warna :

--- Abang     =  Rêkta

--- Irêng       =  Krêsna, Langking

--- Ijo            =  Wilis

--- Kuning    =  Jenar, Pita

--- Biru         =  Bintulu, Maya, Nila

--- Putih       =  Séta, Pingul

      5. Sêbutané Rasa :

--- Lêgi         =  Manis

--- Kêcut      =  Amia

--- Pait         =  Tikta

--- Asin        =  Lawana

--- Pêdhês   =  Kathuka

        6.  Sêbutané Kéblat :

--- Wétan           =  Purwa

--- Kidul Wétan =  Agnéya, Kagnéya

--- Kidul             =  Daksina

--- Kidul kulon  =  Nairiti

--- Kulon            =  Pracima

--- Lor Kulon     =  Bayabya, Byabya

--- Lor.                = Utara

--- Lor Wétan     =  Narasunya, Amisani

                  --- wjg ---

---->  ana candhaké 

          BAB : KLÈRUNÉ NULIS TÊMBUNG 

          BASA JAWA MLIGI AKSARA  

          SWARA. VII

 

Wacan Saterusé

XIII. No. 3. TUNTUNAN SÊKAR MACAPAT (BAB: TÊMBANG DHANDHANGGULA, SINOM, DURMA)

 

 Tuntunan Sêkar Macapat 3 :

Bab : Isi Buku :

       Bab : Sêkar Dhandhanggula :

      Bab :  Sêkar Sinom :

        Bab :  Sêkar Durma :

                         --- wjg ---

------> Ana vandhakê BAB : BAWA

         GÊNDHING JAWA XIV

Wacan Saterusé